O programa de xestión para clubs deportivos
As cotas dos xogadores poden estar exentas de IVE e o bar do club non o está. O patrocinio do taller da esquina tampouco. Un club acaba con tres réximes convivindo, e cun Imposto sobre Sociedades que case ninguén sabe se lle toca presentar.
O módulo de clubs deportivos está en beta
O libro de socios, as cotas por tempada, o carné e a comprobación do IVE e do modelo 200 funcionan, e hai clubs usándoos, pero son do máis recente do programa e aínda lles estamos dando forma con quen os usa. Os teus datos non corren perigo —gárdanse igual ca os do resto e expórtalos cando queiras— e a facturación con VeriFactu non está en beta. Se algo non che cadra, escríbenos.
Que ten que levar un club deportivo por obriga
Un club deportivo é unha entidade sen ánimo de lucro que fai, á vez, actividades exentas e actividades que non o están. Aí comezan case todas as súas leas.
O carácter social decide o IVE
A exención das cotas por practicar deporte non a dá ser un club: dáa ser unha entidade deportiva privada de carácter social. Sen finalidade lucrativa e cos beneficios dedicados a actividades exentas da mesma natureza, e con presidente, padroeiros ou representante legal exercendo de balde. O terceiro requisito do artigo 20.Tres —que os socios non sexan os destinatarios principais nin teñan condicións especiais— non se aplica aos servizos deportivos, e menos mal, porque se non ningún club o cumpriría. Se o club deixa de cumprir os outros dous, as cotas pasan a levar IVE.
Tres réximes á vez
As cotas, exentas. O bar, suxeito. O patrocinio, suxeito ao 21 %, porque é publicidade e non un donativo. Convivir con exentas e suxeitas significa prorrata: non podes deducir todo o IVE que soportas.
Licenzas e seguro obrigatorio
Para competir fai falta licenza federativa. A Lei do Deporte obriga a que toda persoa deportista federada que participe en competicións oficiais de ámbito estatal teña un seguro que cubra os riscos para a saúde da súa modalidade; nas competicións autonómicas manda a norma da túa comunidade. Que un xogador salte ao campo sen licenza en vigor non é un descoido administrativo: é unha responsabilidade do club.
Imposto sobre Sociedades
Coma calquera entidade sen ánimo de lucro, un club é suxeito pasivo do Imposto sobre Sociedades e só se libra de presentar o modelo 200 se cumpre as tres condicións á vez. Cun bar en marcha é fácil saírse.
Os libros que hai que ter, e onde se legalizan
A Lei do Deporte dio sen rodeos no seu artigo 63: a constitución dos clubs deportivos réxese pola normativa autonómica. Así que ademais do que esixa a lei de asociacións ou a lei do deporte da túa comunidade, un club ten documentación deportiva que lle reclaman a federación e o seguro.
| Libro ou documento | Quen o esixe | Onde vai |
|---|---|---|
| Libro de socios | Lei do Dereito de Asociación e lei do deporte autonómica | Lévase no club. |
| Libro de actas | Igual | Asemblea e xunta directiva. |
| Contabilidade e contas anuais | Plan de entidades sen fins lucrativos | Aprobadas en asemblea. |
| Licenzas federativas por tempada | Federación correspondente | Renovación anual; sen ela non se compite. |
| Seguro deportivo obrigatorio | Lei 39/2022 do Deporte e normativa autonómica | Vai coa licenza. Hai que poder acreditalo. |
| Recoñecementos médicos, se os esixe a federación | Regulamento de cada federación | Varía por deporte e por categoría. |
Como se leva hoxe e como queda con Cairos
O club de barrio non afunde polo IVE. Afunde porque ninguén sabe quen pagou a cota da tempada.
Sen Cairos
- As cotas dos xogadores cóbranse por Bizum e apúntanse nun grupo de WhatsApp.
- O IVE do bar mestúrase co resto e ninguén oíu falar da prorrata.
- O patrocinio factúrase sen IVE porque «é unha axuda».
- Na porta do torneo mírase unha listaxe impresa que xa estaba vella ao imprimila.
- O seguro dun monitor caducou en setembro e descóbrese en xaneiro.
- O modelo 200 non se presenta porque «somos sen ánimo de lucro».
Con Cairos
- As cotas domicílianse por tempada, coa súa remesa SEPA e as súas devolucións controladas.
- O bar vai na súa actividade, co seu IVE, e a prorrata calcúlase e regularízase a fin de ano.
- O patrocinio sae co seu 21 % e a súa factura, que é o que o patrocinador precisa para deducilo.
- Cada socio leva o seu carné con QR: na porta escanéase e contesta si ou non, coa hora.
- A póliza de cada voluntario avisa un mes antes de caducar, e o programa di a quen lle falta o certificado de delitos sexuais.
- O programa comproba as tres condicións do 200 e di cal é a que te deixa fóra.
Que leva IVE nun club e que non
A regra de fondo está no artigo 20.Uno.13º da Lei do IVE: están exentos os servizos prestados a persoas físicas que practican o deporte, cando os presta unha entidade de carácter social. Todo o demais, non.
| Que cobra o club | IVE | Por que |
|---|---|---|
| Cota do socio, do xogador ou do abonado | Exenta | Dá dereito a practicar deporte e a usar as instalacións: é un servizo deportivo a unha persoa física. |
| Escola deportiva, clases e adestramentos | Exenta | O destinatario final é quen practica o deporte, aínda que a factura vaia a unha ANPA ou a un concello. |
| Inscrición en torneos e competicións | Exenta | É un servizo directamente relacionado coa práctica do deporte. |
| Uso ou alugueiro da instalación para xogar | Exenta | Segue exento aínda que se facture a outro club, a unha empresa ou a un concello: o que conta é que quen xoga sexan persoas físicas, non quen paga. |
| Alugueiro de material e taquillas | Exenta | Vai coa práctica do deporte. |
| Entrada ao recinto sen dereito a usar a instalación | 21 % | Non hai práctica deportiva: só se paga por pasar. |
| Entradas a un partido | 10 % se é deporte afeccionado; 21 % se é profesional | A exención non chega aos espectáculos. É o único caso do club con tipo reducido polo deporte. |
| Ceder as instalacións para un espectáculo con público | 21 % | A exención exclúe expresamente os espectáculos deportivos. |
| Bar ou cantina do club, explotado polo club | 10 % | É hostalaría, co seu propio tipo reducido, e non ten nada que ver coa exención deportiva. |
| Alugueiro do local do bar ou da tenda a un terceiro | 21 % | O espazo non se cede para practicar deporte, senón para montar un negocio. |
| Patrocinio e publicidade | 21 % | É publicidade: o patrocinador non está a practicar nada, e precisa a factura. Un club corrente non se pode acoller ao convenio de colaboración da Lei 49/2002, que si quedaría fóra do IVE. |
| Venda de equipacións e recordos | 21 % | É unha entrega de bens, e a exención do deporte só alcanza os servizos. |
| Dereitos de imaxe e de retransmisión | 21 % | Non é un servizo a quen practica deporte. |
| Donativo sen contraprestación | Non suxeito | Non hai operación. Para que o doador deduza pola Lei 49/2002, o club ten que estar declarado de utilidade pública: a lei non mete os clubs por selo. |
Dúas cousas que se cren ao revés. A primeira: non hai tipo reducido para o deporte. O que non está exento vai ao 21 %, non ao 10 %; o 10 % é só a entrada a un espectáculo deportivo de afeccionados. A segunda: o carácter social pódeselle pedir á Axencia Tributaria e a cualificación vincula a Administración, pero non fai falta tela para aplicar a exención, porque a lei di expresamente que se aplica desde que se cumpren os requisitos. E ollo co patrocinio disfrazado de donativo: se o patrocinador recibe publicidade, é publicidade.
Se tes bar, tes prorrata
En canto conviven ingresos exentos —as cotas— con ingresos suxeitos —o bar, o patrocinio, as entradas—, o club non pode deducir todo o IVE dos seus gastos. Aplícase a prorrata: unha porcentaxe que se calcula cos ingresos do ano e que hai que regularizar no último trimestre. Cairos lévao; unha folla de cálculo, non.
Os modelos que acabas presentando
| Modelo | Cando | Por que |
|---|---|---|
| 200 | 25 días tras os 6 meses do peche | Salvo que cumpras as tres condicións de exoneración, que con bar é difícil. |
| 303 e 390 | Trimestral e xaneiro | Polo bar, o patrocinio e as entradas, coa prorrata aplicada. |
| 111 | Trimestral | Retencións de adestradores contratados e de profesionais. |
| 115 | Trimestral | Se o club aluga a instalación ou o local. |
| 182 | Xaneiro | Se recibes donativos que dan dereito a dedución, cousa que esixe estar declarado de utilidade pública. |
| 347 | Febreiro | Provedores do bar e do material por riba de 3.005,06 €. |
As cotas: o ingreso que sostén o club
Un club con cento vinte fichas e unha cota de tempada de 180 € move máis de vinte mil euros, e case sempre os cobra peor ca unha asociación de veciños: transferencias soltas, Bizum, pagamentos fraccionados e unha listaxe en papel.
Domiciliar a tempada cambia o club enteiro. Cairos xera a remesa cos recibos, produce o ficheiro SEPA pain.008 que acepta o banco, e cando volven os impagados impórtaos e deixa cada recibo no seu estado. Antes da asemblea sabes quen debe que, e non de memoria.
Se ademais cobras a tempada en dous ou tres prazos, cada prazo é o seu propio recibo co seu vencemento: o que vai ao día e o que non distínguense sós.
Por que case ningún club está exonerado do modelo 200
A crenza xeral é que unha entidade sen ánimo de lucro non presenta o Imposto sobre Sociedades. É falsa. A exoneración esixe tres condicións á vez: ingresos totais por debaixo de 75.000 €, ingresos de rendas non exentas por debaixo de 2.000 € e que todas esas rendas non exentas sufrisen retención.
O segundo requisito é o que tomba case todos: o bar, o patrocinio e as entradas son rendas non exentas, e pasar de 2.000 € ao ano entre as tres é o normal en calquera club con equipo federado. O terceiro remata: os ingresos do bar non levan retención de ninguén.
Cairos fai esa comprobación cos números reais do club e di se estás dentro ou fóra, en vez de deixalo á intuición.
O carné do socio, e a porta do pavillón
O momento en que un club se dá conta de que a listaxe impresa non serve é sempre o mesmo: alguén chega ao partido, di que é socio, e hai que decidir en tres segundos. A listaxe quedou vella o día que se imprimiu e o carné de plástico de hai cinco anos non di se esa persoa segue de alta.
En Cairos cada socio ten o seu carné cun código QR propio. Escanéase coa cámara de calquera móbil e ábrese unha páxina que contesta si ou non, coa data e a hora da comprobación, o nome, o número de socio, a categoría, a antigüidade, a foto se a hai e o escudo do club. Quen está na porta non instala nada nin ten conta. E o que non amosa —NIF, teléfono, IBAN, cota, débedas— é tan importante coma o que amosa.
Para un club hai dúas cousas que se usan cada tempada. A primeira: os carnés poden levar caducidade por tempada, e un carné caducado non di «non é socio», di «segue sendo socio, o que hai que renovar é o carné», que na porta é unha diferenza que importa. A segunda: a quen se atrasa coa cota suspéndeselle o carné, non se lle quita; cando paga, levántase a suspensión e o mesmo carné que leva enriba volve valer sen reimprimir nada.
Imprímese en tamaño de tarxeta bancaria, oito por folla A4, nun de seis deseños e coa cor do club, ou mándaselle ao socio por mensaxe. E se hai torno, aplicación de entradas ou caixa do bar, poden preguntar pola API, que contesta co código do QR ou co número de socio.
Licenzas, seguros e o que o programa non leva
Un club ten papeis que unha asociación normal non ten, e non veñen de ser asociación: veñen de facer deporte e de traballar con menores. A licenza federativa por tempada —que detalla por separado o seguro, a cota da federación española e a da autonómica—; o seguro deportivo, que vai dentro da licenza, contrátao a federación e cobre a saúde do deportista, non os danos a terceiros; a inscrición no rexistro deportivo da túa comunidade, que é a que permite competir en probas oficiais e pedir subvencións, e que non é o rexistro de asociacións; o seguro de responsabilidade civil, obrigatorio por lei autonómica en Cataluña e en Andalucía para quen explota unha instalación ou organiza competicións; o certificado de delitos sexuais de todo o que trate habitualmente con menores, cobre ou non; un delegado de protección; o consentimento dos pais dos menores de catorce anos para tratar os seus datos, e o coidado cos datos de saúde, que non ten por que ver o adestrador enteiro.
Cairos trae esa listaxe escrita, con a quen alcanza cada cousa, porque a metade dos clubs non sabe que lles aplican. E das persoas voluntarias e colaboradoras leva dúas cousas: a póliza coa súa data de vencemento, que avisa un mes antes, e o certificado de delitos sexuais, que avisa cando falta nalguén cuxas tarefas tocan menores. A lei non fixa prazo de renovación para o certificado; renovalo cada tempada é boa práctica, non obriga, e por iso o programa non inventa unha caducidade.
O que non fai, e convén sabelo antes: non leva un rexistro de licenzas federativas xogador por xogador coa súa data de caducidade, nin tramita nada coa federación. Cada federación ten a súa plataforma e aí seguen vivindo as fichas. Se isto che fai falta, dinolo: saber quen o pide é o que decide que construímos despois.
O que fai o programa por ti
O que un club usa de verdade, sen pantallas de almacén nin de fabricación.
Socios e cotas de tempada
Xogadores e abonados, cotas por tempada ou a prazos, remesas SEPA e devolucións importadas do banco.
Carné con QR para a porta
Escanéase e contesta si ou non no momento. Seis deseños, tamaño tarxeta ou móbil, e suspensión por impagamento sen reimprimir.
Que IVE leva cada cousa
Cotas exentas, bar, patrocinio e entradas separados, coa prorrata calculada e regularizada.
Imposto sobre Sociedades
Comprobación das tres condicións e aviso de cal é a que vos deixa fóra da exoneración.
Donativos e patrocinios
O donativo co seu certificado e o patrocinio coa súa factura, que non son o mesmo aínda que o parezan.
Voluntarios e os seus papeis
Acordo de incorporación, póliza con aviso un mes antes de caducar, e aviso se falta o certificado de delitos sexuais de quen trata con menores.
Próbao coas fichas desta tempada
Plan gratuíto ata 30 documentos ao ano, sen tarxeta. E se un día non che serve, os teus datos saen contigo.
Preguntas de clubs deportivos
O club non se leva só, pero pode levarse mellor
Cotas cobradas, IVE no seu sitio e licenzas en vigor. O demais, para adestrar.
Sen permanencia · VeriFactu incluído · Soporte nativo en castelán, catalán, galego, éuscaro e inglés